ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

Pochettino និយាយពីការប្តូរ Messi ចេញក្នុងការប្រកួតយប់មិញ

  • ចុះផ្សាយថ្ងៃទី២០ ខែកញ្ញា ឆ្នាំ២០២១ ម៉ោង ១៣:៣២ នាទី ដោយ Mesa
  • 499
  Aa |   aA

បារាំង៖ អ្នកចាត់ការទូទៅក្លិប Paris Saint-Germain លោក Mauricio Pochettino បានលើកឡើង និងការពារនូវការសម្រេចចិត្តរបស់លោក ក្នុងការប្តូរចេញកីឡាករ Lionel Messi និងជំនួសវិញដោយខ្សែការពារ Archaf Hakimi ក្នុងជំនួបដែល PSG ឈ្នះ Lyon ២-១ កាលពីយប់មិញនេះ។ 

ក្នុងការបង្ហាញខ្លួនយប់មិញនេះ គឺជាការបង្ហាញខ្លួនលើកទី៣ សម្រាប់កីឡាករ Lionel Messi ជាមួយ PSG យ៉ាងណាមិញការព្យាយាមប៉ុនប៉ងរកគ្រាប់បាល់របស់គេមិនអាចធ្វើបានឡើយ ពោលគឺបានត្រឹមឱកាសស៊ុតនឹងរបារទីប៉ុណ្ណោះ ក្នុងការប្រកួតនៅកីឡដ្ឋាន Parc Des Prince។ Messi ត្រូវបានផ្លាស់ប្តូរនៅក្នុងនាទីទី៧៥ ខណៈលោក Pochettino បានអះអាងថា កីឡាករអាហ្សង់ទីនរូបនេះមិនមានបញ្ហាល្អក់កករអ្វីឡើយក្នុងការផ្លាស់ប្តូរនេះ។ យ៉ាងណាក៏ដោយ បើតាមទិដ្ឋភាព និងវីដេអូយប់មិញនេះ Messi ក៏មិនសូវជាអូខេប៉ុន្មានដែរ ក្នុងការផ្លាស់ប្តូរចេញ ថែមទាំងដើរចេញពីចាប់ដៃជាមួយអ្នកចាត់ការក្រុមទៀតផង។

លោក Pochettino បាននិយាយក្រោយការប្រកួតថា៖ "ខ្ញុំគិតថាអ្នកទាំងអស់គ្នាសុទ្ធតែដឹង ដែលយើងមានកីឡាករដ៏អស្ចារ្យរហូតដល់ទៅ ៣៥នាក់ក្នុងក្រុមនេះ ខណៈខ្ញុំអាចរើសកីឡាករចូលលេងបានត្រឹម ១១នាក់ប៉ុណ្ណោះលើទីលាន មិនអាចលើសពីនេះទេ។ ការសម្រេចចិត្តរបស់ខ្ញុំធ្វើឡើងក្នុងបំណងល្អសម្រាប់ក្រុមទាំងមូល និងសម្រាប់ផលប្រយោជន៍ចំពោះកីឡាករម្នាក់ៗប៉ុណ្ណោះ។ គ្រប់គ្រូបង្វឹកទាំងអស់សុទ្ធតែគិតពីចំណុចនេះ! ពេលខ្លះក៏បានផល ពេលខ្លះក៏អត់! ហើយសម្រាប់កីឡាករវិញពេលខ្លះក៏ពួកគេពេញចិត្ត ពេលខ្លះពួកគេក៏មិនពេញចិត្តចំពោះការសម្រេចនេះ តែយ៉ាងណាក៏ដោយក៏យើងនៅតែធ្វើវាដដែល"។

គួរបញ្ជាក់ថា ក្រោមការរៀបចំនឹងដឹកនាំរបស់អ្នកចាត់ការសញ្ជាតិអាហ្សង់ទីនខាងលើ PSG ធ្វើបានសម្រេចនូវជ័យជម្នះចុងម៉ោង ក្នុងលទ្ធផល ២-១ សម្រេចដោយ Mauro Icardi នៅនាទី៩០ នាំឱ្យក្លិបយក្សបារាំងមួយនេះ បន្តកាន់កាប់កំពូលតារាង ឈ្នះទាំង ៦ប្រកួតមាន ១៨ពិន្ទុក្នុងដៃ។ ប្រកួតបន្ត PSG នឹងត្រូវធ្វើដំណើរទៅកាន់ទឹកដី Metz នៅថ្ងៃទី២៣ ខែកញ្ញា មុននឹងបើកទ្វារស្វាគមន៍ Montpellier នៅថ្ងៃទី២៦ ខែកញ្ញាក្នុងក្របខណ្ឌ Ligue1 និងទទួល Manchester City នៅថ្ងៃទី២៩ ខែកញ្ញា ក្នុងក្របខណ្ឌ UEFA Champions League៕




ព័ត៌មានជាច្រើនទៀតសម្រាប់អ្នក